Дэпутаты прынялі ў першым чытанні праект рэспубліканскага бюджэту на 2022 год
14 декабря 2021
Дэпутаты на пасяджэнні шостай сесіі Палаты прадстаўнікоў Нацыянальнага сходу Беларусі сёмага склікання прынялі ў першым чытанні законапраект "Аб рэспубліканскім бюджэце на 2022 год", перадае карэспандэнт БЕЛТА.
"Праект рэспубліканскага бюджэту і разліковыя паказчыкі па бюджэтах абласцей і горада Мінска на 2022 год распрацаваны на аснове палажэнняў праграмных дакументаў па сацыяльна-эканамічным развіцці краіны з улікам існуючай эканамічнай сітуацыі. Ключавымі задачамі бюджэтнай палітыкі ў 2022 годзе стануць забеспячэнне збалансаванасці і ўстойлівасці бюджэтаў усіх узроўняў, падтрыманне даўгавой устойлівасці на бяспечным узроўні за кошт абмежавання дзяржаўнай пазыкі і паляпшэння структуры даўгавога партфеля, зніжэнне ўзроўню яго рызык, сацыяльная абароненасць насельніцтва і павышэнне на гэтай аснове дабрабыту грамадзян", - расказала старшыня Пастаяннай камісіі па бюджэце і фінансах Палаты прадстаўнікоў Людміла Ніжэвіч.
Паводле яе слоў, ва ўмовах высокай нявызначанасці ў сувязі з пандэміяй, знешнім націскам на эканоміку рэспублікі прыняты шэраг мер для аднаўлення даходаў бюджэту пры захаванні ўмоў для эканамічнага росту.
"Даходы па праекце рэспубліканскага бюджэту на 2022 год прадугледжваюцца ў суме Br27 827,5 млн, што на Br1573,4 млн (або 6 працэнтаў) больш за чаканае выкананне 2021 года. Расходы па праекце рэспубліканскага бюджэту на 2022 год запланаваны ў суме Br30 672,2 млн, або 104,4 працэнта да чаканага выканання 2021 года", - адзначыла парламентарый.
Прыярытэтнымі напрамкамі бюджэтных расходаў у 2022 годзе застаюцца сацыяльная абароненасць насельніцтва, павышэнне якасці і ўзроўню жыцця грамадзян. У прыярытэце - рост заработнай платы работнікаў бюджэтнай сферы, выхад на параметры росту, прадугледжаныя праграмай сацыяльна-эканамічнага развіцця Рэспублікі Беларусь на 2021-2025 гады, аказанне дапамогі сем'ям, якія выхоўваюць дзяцей, маладым і шматдзетным сем'ям, падтрымка грамадзян, якія маюць патрэбу ў будаўніцтве жылля, развіццё жылой і энергетычнай інфраструктуры.
"Праект рэспубліканскага бюджэту на 2022 год сфарміраваны з дэфіцытам у памеры Br2844,7 млн", - дадала Людміла Ніжэвіч.
"Нягледзячы на знешнепалітычны націск, процікавідны перыяд, рэспубліканскі бюджэт захоўвае поўную сацыяльную накіраванасць, - адзначыла член Пастаяннай камісіі па ахове здароўя, фізічнай культуры, сямейнай і маладзёжнай палітыцы Святлана Адзінцова. - У прыватнасці, закранаючы пытанні аховы здароўя, мінімальныя нарматывы бюджэтнай забяспечанасці для развіцця аховы здароўя застаюцца на душу насельніцтва Br862 - гэта больш, чым у папярэдні перыяд. З выдзеленага фінансавання 40 працэнтаў пойдзе на далейшае развіццё амбулаторнай службы, на аказанне медыцынскай дапамогі на амбулаторным этапе, уключаючы хуткую медыцынскую дапамогу. Такім чынам, кожны жыхар, які звярнуўся па першасную медыцынскую дапамогу, павінен атрымаць і атрымлівае якасную медыцынскую дапамогу - гэта самае галоўнае".-0-
БЕЛТА - Навiны Беларусi
"Праект рэспубліканскага бюджэту і разліковыя паказчыкі па бюджэтах абласцей і горада Мінска на 2022 год распрацаваны на аснове палажэнняў праграмных дакументаў па сацыяльна-эканамічным развіцці краіны з улікам існуючай эканамічнай сітуацыі. Ключавымі задачамі бюджэтнай палітыкі ў 2022 годзе стануць забеспячэнне збалансаванасці і ўстойлівасці бюджэтаў усіх узроўняў, падтрыманне даўгавой устойлівасці на бяспечным узроўні за кошт абмежавання дзяржаўнай пазыкі і паляпшэння структуры даўгавога партфеля, зніжэнне ўзроўню яго рызык, сацыяльная абароненасць насельніцтва і павышэнне на гэтай аснове дабрабыту грамадзян", - расказала старшыня Пастаяннай камісіі па бюджэце і фінансах Палаты прадстаўнікоў Людміла Ніжэвіч.
Паводле яе слоў, ва ўмовах высокай нявызначанасці ў сувязі з пандэміяй, знешнім націскам на эканоміку рэспублікі прыняты шэраг мер для аднаўлення даходаў бюджэту пры захаванні ўмоў для эканамічнага росту.
"Даходы па праекце рэспубліканскага бюджэту на 2022 год прадугледжваюцца ў суме Br27 827,5 млн, што на Br1573,4 млн (або 6 працэнтаў) больш за чаканае выкананне 2021 года. Расходы па праекце рэспубліканскага бюджэту на 2022 год запланаваны ў суме Br30 672,2 млн, або 104,4 працэнта да чаканага выканання 2021 года", - адзначыла парламентарый.
Прыярытэтнымі напрамкамі бюджэтных расходаў у 2022 годзе застаюцца сацыяльная абароненасць насельніцтва, павышэнне якасці і ўзроўню жыцця грамадзян. У прыярытэце - рост заработнай платы работнікаў бюджэтнай сферы, выхад на параметры росту, прадугледжаныя праграмай сацыяльна-эканамічнага развіцця Рэспублікі Беларусь на 2021-2025 гады, аказанне дапамогі сем'ям, якія выхоўваюць дзяцей, маладым і шматдзетным сем'ям, падтрымка грамадзян, якія маюць патрэбу ў будаўніцтве жылля, развіццё жылой і энергетычнай інфраструктуры.
"Праект рэспубліканскага бюджэту на 2022 год сфарміраваны з дэфіцытам у памеры Br2844,7 млн", - дадала Людміла Ніжэвіч.
"Нягледзячы на знешнепалітычны націск, процікавідны перыяд, рэспубліканскі бюджэт захоўвае поўную сацыяльную накіраванасць, - адзначыла член Пастаяннай камісіі па ахове здароўя, фізічнай культуры, сямейнай і маладзёжнай палітыцы Святлана Адзінцова. - У прыватнасці, закранаючы пытанні аховы здароўя, мінімальныя нарматывы бюджэтнай забяспечанасці для развіцця аховы здароўя застаюцца на душу насельніцтва Br862 - гэта больш, чым у папярэдні перыяд. З выдзеленага фінансавання 40 працэнтаў пойдзе на далейшае развіццё амбулаторнай службы, на аказанне медыцынскай дапамогі на амбулаторным этапе, уключаючы хуткую медыцынскую дапамогу. Такім чынам, кожны жыхар, які звярнуўся па першасную медыцынскую дапамогу, павінен атрымаць і атрымлівае якасную медыцынскую дапамогу - гэта самае галоўнае".-0-
БЕЛТА - Навiны Беларусi