Памер сямейнага капіталу з 1 студзеня вырас на 15,2 працэнта і склаў Br29 950
13 студзеня, Мінск /Кар. БЕЛТА/. Памер сямейнага капіталу павялічыўся на 15,2 працэнта і з 1 студзеня бягучага года складае Br29 950, паведамляе БЕЛТА са спасылкай на прэс-службу Міністэрства працы і сацыяльнай абароны.
Сямейны капітал у памеры Br29 950 назначаецца сем'ям пры нараджэнні (усынаўленні, удачарэнні) трэцяга або наступных дзяцей у перыяд з 1 студзеня па 31 снежня 2023 года.
У Мінпрацы і сацабароны растлумачылі, што памер сямейнага капіталу вызначаецца на дату нараджэння трэцяга або наступных дзяцей (у выпадку ўсынаўлення, удачарэння - на дату ўступлення ў сілу рашэння суда) незалежна ад даты звароту па яго.
Так, пры звароце па сямейны капітал у 2023 годзе на дзяцей, якія нарадзіліся (усыноўлены, удачароны) у 2022 годзе (з 1 студзеня па 31 снежня ўключна) сямейны капітал назначаецца ў памеры Br25 995.-0-