Салігорск і Гомель прымуць першыя матчы 28-га тура футбольнага чэмпіянату Беларусі
10 ноября 2023
10 лістапада, Мінск /Кар. БЕЛТА/. Першыя паядынкі 28-га тура адбудуцца на футбольным чэмпіянаце Беларусі сярод каманд вышэйшай лігі, паведамляе карэспандэнт БЕЛТА.
У стартавым матчы футбалісты "Шахцёра" прымуць у Салігорску мазырскую "Славію". У гульні першага круга цяперашняга першынства мазыране перамаглі з лікам 3:1 і сёння падапечныя Аляксея Багі маюць намер узяць рэванш. У мінулым туры сённяшнія сапернікі пацярпелі паражэнне - "Шахцёр" на выездзе прайграў "Іслачы" (1:2), а каманда Івана Біёнчыка ўступіла на сваім полі гродзенскаму "Нёману" (0:2).
Таксама сёння сустрэнуцца два прэтэндэнты на месца ў прызавой тройцы - футбалісты "Гомеля" згуляюць у сябе дома з "Іслаччу". У іх першым паядынку "ваўкі" абыгралі гамяльчан у Маладзечне з вынікам 3:1. На мінулым тыдні гомельская дружына ў Жодзіне разышлася мірам з "Тарпеда-БелАЗам" (0:0).
У суботу, 11 лістапада, свае сустрэчы правядуць галоўныя фаварыты цяперашняга сезона. Лідар першынства мінскае "Дынама" прыме на сваёй арэне "Смаргонь". У першым крузе смаргонскія футбалісты нечакана абыгралі мінчан на сваім полі - 3:1. "Нёман", які ідзе другім, таксама ў сябе дома сустрэнецца з футбалістамі "Слуцка". Іх матч у Слуцку завяршыўся перамогай гродзенцаў з вынікам 2:0. Калі падапечныя Вадзіма Скрыпчанкі заўтра перамогуць, а "Нёман" прайграе, то мінскія дынамаўцы датэрмінова забяспечаць сабе чэмпіёнскі тытул.
Заключныя гульні 28-га тура адбудуцца 12 лістапада: "Нафтан" (Наваполацк) - БАТЭ, "Энергетык-БДУ" (Мінск) - "Тарпеда-БелАЗ", "Мінск" - "Белшына" (Бабруйск). Брэсцкае "Дынама" прапускае гэты тур.
Становішча ў групе лідараў: "Дынама" (Мінск) - 60 ачкоў (25 матчаў), "Нёман" - 56 (25), "Тарпеда-БелАЗ" - 43 (25), "Іслач" - 41 (25), БАТЭ - 41, "Гомель" (20) - 40. Турнірную табліцу замыкае "Энергетык-БДУ", у якога 1 бал, у "Белшыны" 3 ачкі, "Шахцёр" мае 6 заліковых балаў. Спіс лепшых бамбардзіраў узначальваюць Павел Савіцкі ("Нёман") і Уладзіслаў Марозаў ("Дынама", Мінск), якія забілі па 13 мячоў.-0-
У стартавым матчы футбалісты "Шахцёра" прымуць у Салігорску мазырскую "Славію". У гульні першага круга цяперашняга першынства мазыране перамаглі з лікам 3:1 і сёння падапечныя Аляксея Багі маюць намер узяць рэванш. У мінулым туры сённяшнія сапернікі пацярпелі паражэнне - "Шахцёр" на выездзе прайграў "Іслачы" (1:2), а каманда Івана Біёнчыка ўступіла на сваім полі гродзенскаму "Нёману" (0:2).
Таксама сёння сустрэнуцца два прэтэндэнты на месца ў прызавой тройцы - футбалісты "Гомеля" згуляюць у сябе дома з "Іслаччу". У іх першым паядынку "ваўкі" абыгралі гамяльчан у Маладзечне з вынікам 3:1. На мінулым тыдні гомельская дружына ў Жодзіне разышлася мірам з "Тарпеда-БелАЗам" (0:0).
У суботу, 11 лістапада, свае сустрэчы правядуць галоўныя фаварыты цяперашняга сезона. Лідар першынства мінскае "Дынама" прыме на сваёй арэне "Смаргонь". У першым крузе смаргонскія футбалісты нечакана абыгралі мінчан на сваім полі - 3:1. "Нёман", які ідзе другім, таксама ў сябе дома сустрэнецца з футбалістамі "Слуцка". Іх матч у Слуцку завяршыўся перамогай гродзенцаў з вынікам 2:0. Калі падапечныя Вадзіма Скрыпчанкі заўтра перамогуць, а "Нёман" прайграе, то мінскія дынамаўцы датэрмінова забяспечаць сабе чэмпіёнскі тытул.
Заключныя гульні 28-га тура адбудуцца 12 лістапада: "Нафтан" (Наваполацк) - БАТЭ, "Энергетык-БДУ" (Мінск) - "Тарпеда-БелАЗ", "Мінск" - "Белшына" (Бабруйск). Брэсцкае "Дынама" прапускае гэты тур.
Становішча ў групе лідараў: "Дынама" (Мінск) - 60 ачкоў (25 матчаў), "Нёман" - 56 (25), "Тарпеда-БелАЗ" - 43 (25), "Іслач" - 41 (25), БАТЭ - 41, "Гомель" (20) - 40. Турнірную табліцу замыкае "Энергетык-БДУ", у якога 1 бал, у "Белшыны" 3 ачкі, "Шахцёр" мае 6 заліковых балаў. Спіс лепшых бамбардзіраў узначальваюць Павел Савіцкі ("Нёман") і Уладзіслаў Марозаў ("Дынама", Мінск), якія забілі па 13 мячоў.-0-