БРСМ запрашае пачынаючых фермераў
Інтэлектуальная бізнес-гульня "Пачынаючы фермер" была прапанаваная Расійскім саюзам сельскай моладзі падчас Міжнароднага кангрэса сельскай моладзі ў лютым гэтага года ў Казані. Яна аб'яднае школьнікаў, якія пражываюць на сяле, навучэнцаў і студэнтаў устаноў адукацыі аграрнага профілю, маладых спецыялістаў аграрнага сектара, а таксама прадпрымальнікаў, якія працуюць у сферы АПК.
Мэта гульні — развіццё ва ўдзельнікаў навыкаў бізнес-планавання ў сельскай гаспадарцы, збору і аналізу інфармацыі, выпрацоўкі кіраўнічых рашэнняў і ўменні працаваць у камандзе.
Да гульні дапускаюцца каманды да пяці чалавек ва ўзросце ад 14 да 31 года. Бізнес-праекты будуць разглядацца ў пяці намінацыях: жывёлагадоўля, птушкагадоўля, рыбаводства і аквакультуры, пчалярства; раслінаводства, садоўніцтва, ландшафтны дызайн; паляводства, агародніцтва; агратурызм; сельскагаспадарчая кааперацыя і свабодная тэма. Гульня ўключае некалькі этапаў: абласны, нацыянальны і міжнародны. У рэспубліканскім туры лепшым камандам трэба будзе абараніць свае праекты перад экспертным саветам у рэжыме онлайн. Міжнародны вочны этап з абаронай праектаў перад экспертным саветам адбудзецца ў адным з рэгіёнаў Расіі. Удзельнікі гульні атрымаюць ацэнку сваіх праектаў, пераможцы будуць узнагароджаны дыпломамі і памятнымі падарункамі. Плануецца, што іх запросяць на стажыроўкі ў краінах-удзельніцах - Беларусі, Расіі, Кыргызстане, Казахстане, Арменіі.
Прыём заявак на ўдзел у абласным этапе ажыццяўляецца да 25 траўня. Заяўкі прымаюцца ўсімі тэрытарыяльнымі камітэтамі БРСМ Гомельскай вобласці з указаннем поўнага складу каманды, кіраўніка ўмоўнага фермерскай гаспадаркі, назвы бізнес-плана і прэзентацыю бізнес-ідэі ў выглядзе слайд-шоў.