Амаль 400 сувораўцаў і кадэтаў Беларусі і Расіі аб'яднае ваенна-патрыятычная змена ў "Арляняці"
24 мая 2023
24 мая, Гомель /Кар. БЕЛТА/. Амаль 400 навучэнцаў сувораўскіх ваенных, Нахімаўскага ваенна-марскога і кадэцкіх вучылішчаў Беларусі і Расіі аб'яднае ваенна-патрыятычная змена ў "Арляняці". Такая інфармацыя прагучала ў час пасяджэння Камісіі Парламенцкага сходу Саюза Беларусі і Расіі па бяспецы і абароне ў Гомелі, перадае карэспандэнт БЕЛТА.
Як нагадаў старшыня Камісіі Парламенцкага сходу Саюза Беларусі і Расіі па бяспецы і абароне, старшыня Пастаяннай камісіі па нацыянальнай бяспецы Палаты прадстаўнікоў Нацыянальнага сходу Беларусі Алег Белаконеў, ваенна-патрыятычная змена праводзіцца з 2007 года па ініцыятыве Парламенцкага сходу. Гэты форум садзейнічае фарміраванню грамадзянскай пазіцыі і патрыятызму ў моладзі СД, умацаванню паважлівага і беражлівага стаўлення да гісторыі народаў Беларусі і Расіі, абмену вопытам.
У гэтым годзе яна пройдзе пад дэвізам "Гістарычная памяць пакаленняў". Юнакі і дзяўчаты па традыцыі сустрэнуцца ва Усерасійскім дзіцячым цэнтры "Арляня".
Падрыхтавана насычаная праграма для падлеткаў 11-16 гадоў, якія вучацца ў прэзідэнцкіх кадэцкіх вучылішчах, сувораўскіх ваенных, Нахімаўскім ваенна-марскім вучылішчах, кадэцкіх карпусах. Кожнае мерапрыемства нацэлена на развіццё інтэлектуальнага, творчага і лідарскага патэнцыялу падлеткаў, фарміраванне культуры здаровага ладу жыцця.
Не абыдзецца без гістарычнага ракурсу. Так, мерапрыемствы будуць прысвечаны гадавінам Сталінградскай і Курскай бітваў, поўнага вызвалення Ленінграда ад фашысцкай блакады, вызвалення Беларусі ад нямецка-фашысцкіх захопнікаў. Таксама блок праектаў будзе прымеркаваны да 80-годдзя стварэння сувораўскіх вучылішчаў. Традыцыйна значная ўвага ўдзяляецца ваенна-патрыятычнаму напрамку. У прыватнасці, чакаецца тэматычны Дзень Саюзнай дзяржавы, урокі мужнасці "Вуліцы нашых герояў", фестывалі патрыятычнай і ваеннай песні "Няма нічога даражэй за Айчыну".
На пасяджэнні абмеркаваны ўсе дэталі і арганізацыйныя моманты для камфортнага знаходжання юнакоў і дзяўчат.-0-
Як нагадаў старшыня Камісіі Парламенцкага сходу Саюза Беларусі і Расіі па бяспецы і абароне, старшыня Пастаяннай камісіі па нацыянальнай бяспецы Палаты прадстаўнікоў Нацыянальнага сходу Беларусі Алег Белаконеў, ваенна-патрыятычная змена праводзіцца з 2007 года па ініцыятыве Парламенцкага сходу. Гэты форум садзейнічае фарміраванню грамадзянскай пазіцыі і патрыятызму ў моладзі СД, умацаванню паважлівага і беражлівага стаўлення да гісторыі народаў Беларусі і Расіі, абмену вопытам.
У гэтым годзе яна пройдзе пад дэвізам "Гістарычная памяць пакаленняў". Юнакі і дзяўчаты па традыцыі сустрэнуцца ва Усерасійскім дзіцячым цэнтры "Арляня".
Падрыхтавана насычаная праграма для падлеткаў 11-16 гадоў, якія вучацца ў прэзідэнцкіх кадэцкіх вучылішчах, сувораўскіх ваенных, Нахімаўскім ваенна-марскім вучылішчах, кадэцкіх карпусах. Кожнае мерапрыемства нацэлена на развіццё інтэлектуальнага, творчага і лідарскага патэнцыялу падлеткаў, фарміраванне культуры здаровага ладу жыцця.
Не абыдзецца без гістарычнага ракурсу. Так, мерапрыемствы будуць прысвечаны гадавінам Сталінградскай і Курскай бітваў, поўнага вызвалення Ленінграда ад фашысцкай блакады, вызвалення Беларусі ад нямецка-фашысцкіх захопнікаў. Таксама блок праектаў будзе прымеркаваны да 80-годдзя стварэння сувораўскіх вучылішчаў. Традыцыйна значная ўвага ўдзяляецца ваенна-патрыятычнаму напрамку. У прыватнасці, чакаецца тэматычны Дзень Саюзнай дзяржавы, урокі мужнасці "Вуліцы нашых герояў", фестывалі патрыятычнай і ваеннай песні "Няма нічога даражэй за Айчыну".
На пасяджэнні абмеркаваны ўсе дэталі і арганізацыйныя моманты для камфортнага знаходжання юнакоў і дзяўчат.-0-