У Гомелі ля памятнай дошкі генералу арміі Івану Чарняхоўскаму адбыўся мітынг
Дождж не перашкодзіў мерапрыемства. Аб славутым ратным шляху выбітнага чалавека распавёў намеснік дырэктара па навуковай рабоце Гомельскага абласнога музея ваеннай славы Канстанцін Мішчанка.
Камандуючы войскамі Заходняга і 3-га Беларускага франтоў, Іван Чарняхоўскі вызваляў нашу краіну ад нямецка-фашысцкіх захопнікаў.
З Гомелем знакамітага камандарма звязвае і тое, што напярэдадні Вялікай Айчыннай вайны, з 1938 па 1940 гады, Іван Данілавіч жыў у доме №26 па вуліцы Пушкіна, дзе славутаму ваеначальніку ўстаноўлена мемарыяльная дошка.
Пракурор Гомельскай вобласці Віктар Марозаў падкрэсліў мужнасць і гераізм генерала. Кар'ера ваеначальніка, можна сказаць, пачыналася ў нашым Лещинце. Адзначана, што аб Гомелі ў сям'і Івана Чарняхоўскага засталіся самыя светлыя ўспаміны.
Удзельнікі мітынгу, сярод якіх намеснік старшыні Гомельскага гарвыканкаму Віталь Атаманчук, ветэраны, навучэнцы, прадстаўнікі грамадскіх арганізацый, усклалі жывыя кветкі ля мемарыяльнай дошкі.